[MYCAT]神經貓阿Mi

阿Mi每隔一排都會突然好驚接近廚房，
都唔知係因為咩事。
由o尋晚開始佢又係o甘驚o左成幾個鐘喇！
一切都發生得好突然！
大概十點o既時候，
佢本來坐o係廚房度趟門前面，
我就坐o係電腦前面，
突然間佢就以極速飛奔返入o黎廳，
佢個噹噹就一路係o甘響住。
根住佢就成晚都唔敢接近廚房喇！
我就好似教小朋友行路o甘用兩隻手拖住佢行埋去度廚房門，
一放手，
佢又飛奔返出廳。
玩o左佢好多次之後，
我就抱住佢，
開晒廚房同厠所燈，
一齊出去睇o下...
不過佢都係好驚！
攬得我好實！
一出返廚房門放低佢，
佢就飛奔離開，
咩都唔理，
衝出廳。
跟住佢成晚都係好驚惶失措o甘遠距離注視住個廚房，
就算掉我件衫落地，
佢都唔埋o黎check...
平時佢一見我換D衫掉o係地下就會走埋o黎check，
之後通常就會一路死攬住o黎訓，
仲會好陶醉。