[ARTICLE]全民喵檢測驗（GCPT）

http://www.owl.com.tw/GCPT/result.php
你做o左未呀?
我的Result：
您得到的分數為 24分。
您為一個「優良貓奴」。
解析：不錯！你家的貓可以算幸福的囉！
作者Blogger
作品：貓奴契約書、貓奴籲天錄

用和記寬頻上到網要燒炮仗慶祝！

由2005年12月份開始...
即是本人用了和記寬頻的第12個月...
惡夢就開始了...
起初改用和記...
是因為人人都讚好...
用開的網上爬的熱線又經常唔通...
(唔係上唔到網都唔會打去吧~
上唔到網已經心情不佳的了...
打唔到熱線更加火上加油...
竟然可以等到條線都自己斷埋...
真係可怒也...)
一簽就是年半的約...
現在想起也可怕...
因為和記寬頻的服務由天使成為魔鬼不消一年...
最初11個月的服務真的可說是在天堂一般...
上網速度之快及穩定性很令人雀躍...
可惜原來是一場惡夢的前奏曲...
12月的一天...
突然上不了網...
打去1222...
不久就上返網...
最恐怖o既係呢個月差唔多成個都係o甘...
隔幾日就發生一次...
已經搞到電話都唔想打...
因為就算唔打...
第2日都會正常返...
去到2006年...
1月同2月都唔係發生得好頻密...
3月直情好正常...
於是和記寬頻打電話o黎話續約...
就答應o左...
之後o個幾個月都好正常...
到o左7月...
惡夢又開始...
仲有成7個月(10月17日啊！)先至完contract...
真麻煩...

不能上網日子： (只是部分，因為有部分日子太多不能上網的時間，沒有心情記錄)
2005年
12月(起碼有一半時間上唔到)

2006年
7月8日、7月12日、7月15日、7月17日、7月19日
8月5日、8月6日、8月9日(師傅上到o黎竟然同我講我o地條邨o個個主機有問題，成條邨都係o甘，要輪住上，幫唔到我，雖然佢係好有禮貌o甘同我講，不過無論係咩人聽到o甘o既事都會覺得好忿怒)
9月28日─9月29日
10月5日、10月19日(狂斷線)、10月20日、10月21日、10月22日─10月23日、10月28日
11月至12月(太多不能上網日子了！)

2007年
2月20日─2月21日
3月2日、3月4日、3月11日、3月18-19日(18日晚致電投訴)、20日(上午不能、下午經維修後正常、晚上斷線3次；21日收到和記電話查詢上網情況)、23日
4月1日─12日,26日─30日
(
4號約o左個師傅7號o黎...
個師傅7號下畫12點幾打o黎...話係機房有事...會搵個機房的師傳約我整...
8號和記打o黎....都係話會搵個機房的師傳約我整...
9號冇人打過o黎...
10號我打去比和記...佢話比我知阿師傳個file close o左...仲話係整好o左..跟住又約o左個師傅12號來
11號個師傅o係冇事先通知的情況下...上o左o黎我屋企check個modem同連出去o個條線...都係正常o既...可以證實完全係出面o既事
12號個師傅下晝12點幾就o黎o左...明明約o左6-8pm...不過都叫做駁o左另一條線比我o地用住先...叫做好過冇啦...係好過之前o個d都係由得我繼續一時上到一時上唔到...甚至上唔到...
13號下晝和記又打o黎問有關維修個師傅o既意見...
26號又斷o左線喇...打去比1222...佢又話係機房有問題...約o左師傳29號上o黎...
28號個師傳就打o左o黎話成條邨o既線都已經死晒...會send個report上上面搵人整喎...
30號有人打o黎問進度喎...仲會有咩進度吖...投訴投訴投訴投訴！！！)
5月1-9日、 15日至19日
(7號下午和記有人打o黎話已經收到東方日報同消委會的轉介信，仲比埋直線電話，叫我call back返或者聽日再打比我...
8號晚上9點幾客戶經理打o黎...約我再整...仲話有信心整得到...仲會搵個有經驗o既師傅o黎整...於是約o左第二日o黎...
9號阿師傅10點幾就o黎o左整喇...師傅又o左個手提電話...話如果...真係上得到喎...又睇o下捱得幾耐...今日仲收到和記一封信...話搵唔到我喎...真係搵鬼信啊...
15號和記打o黎問條線okay唔okay...okay就話當整好o左
16號下晝佢就斷o左喇...我打比阿客戶經理...佢話叫師傅check o下...仲話第2日就會覆我...如果唔得就會幫我中止合約...
17號佢冇打o黎...
18號佢冇打o黎...唔會o甘橋手電同屋企電話都唔通呱...我手電24小時開住...仲有留言信箱...
19號我打比佢...
我 : 唔該RC.
RC(客戶經理):係!我係!
我:我係X小姐呀!
RC:係!
我:我想問點呀?!
RC:我o地會安排返個師傅上o黎幫你睇睇...因為上次in house整都証明得o左...我轉頭call返你o丫...
我: (你都痴線...17號咪有人o黎大整o左...仲有得整乎?!..整o左咩?唔似有喎)
我: (睇你一陣打o黎點講...)...好o既...
過o左幾個字...
RC:唔該X小姐!
我:我係!
RC:唔好意思呀X小姐,我o地check返原來已經有人o黎大修o左..但係都係恢復唔到X小姐你o個度o既服務...所以我o地宜家會無條件同X小姐你即時中止合約...X小姐你可以即刻去搵過第二間ISP...今個月o既月費會做返適當o既調整...如果6月中前冇收到信去交返個modem...就打返電話比我啦...如果有咩問題你都可以打返我個電話搵我...你知我電話啦?...阻o左X小姐你o甘多時間真係唔好意思呀...希望第時有機會再服務X小姐你啦...
我: (呢世都唔好再搵d o甘o既o野搞喇)好o既...bye bye...)
6月4日
終於收到和記的有關終止服務的信件...d效率真係快到...

香港李老闆的各大業務，讓你能全面受氣的服務。

向外界投訴過程：
4月30日
-向消委會(親身)、東方日報(e-mail)及蘋果日報(e-mail)投訴
5月1日
-向消委會補交文件
5月2日
-上午收到消委會回覆；下午收到東方日報回覆
5月19日
-和記客戶經理回覆可以立即無條件終止合約